TIS D'R ALMAOL

 Veurwaor veurwaor

de zun komp van tied tot tied

plaogerig eem kieken

hier in Spiekerboor

met oous as Investment Engineers



stel je 'ns veur en dat doet ze

(je hebt 't almaol...heul

veul...je hebt 't almaol en

die ziel van je?...haand

in haand in 't locht dat oet is

je hebt 't almaol en die ziel

van je?)



in de wildernis klinkt een

leeid vanneis as vanolds met

een paor daogen meer op de

bekende stee laangs de Hunze

met AmerikAa as speeigelbeeild

van klaankkleur alerlei anbraacht

deur wat d'r leeft hier en daor

in een zuchzölf untwikkelnd laandschap



(dan kiek ik waor ik weeit van heb

liggend in berre en de Heilige Zeun

en de zun in de haoven van wat

kommen geeit...d'r wodt anmeerd

en oetvaoren...ik weeit waor te kieken)



op de boerderij komp d'r veul op batterij

verherbouwd steeit e weer klaor

as anlegplek veur kunst under

olde gebinten...tot de nok...binnen

de baander...waor dommiet ok woond wodt

op de boerderij komp 't in zicht

wat kiek- en toonbaor wringt

en saomen zingt op de deel



(um te leven kwaam ik hier

niet um dood te speulen...in de

wind van guster naar mörgen...met

een keers...de stemmen in mien

heufd...de keers in mien haand

de wind blas leven over de dood)



meziek oet de bos veur de tiende maol

zunnestraolen bint al besteld...d'r

is poolshoogte nummen...volk komp

d'r op of...zoveul as maor wilt

instrumenten stemt zuch of...stem-

men wodt löszungen...under de

overkapping...um daornao vrijoet

oren en bos te betreden

lentewind weijend



(en as ze dan mien naom

deur de straoten van Parijs

as ze dan mien naom...kiek

ik naor mien schoounen en

loop naor heur)





-Egbert Hovenkamp II-

TerPlekkePodiumPoeem, schreven en veurdraogen (begeleid deur Bernard Gepken-gitaar) tiedens Podium, radio Drenthe, vanoet café 't Keerpunt, Spiekerboor - 22 mei 2011.