Krista Detor, zie komp net tot aan mien kin. Heur ogen spreken, heur mooie bos haor met krullen omliest heur gezicht. Ik maark het op, maor vuil een zekere spanning. Dat bliekt ook al gauw. Ze is geïrriteerd, prikkelbaor en nerveus. Hier lig een mooie uutdaoging. Heur concert mot goud worden. Krista Detor is toch een naom in het circuit en wij kiezen bewust veur kwaliteit. Het wordt het begun van een biezunder weekend. Het lukt mij om de omstandigheden veur Krista zo te maoken, dat ze zuch thuus gait vuilen. Geluudsman Jan vuilt de sfeer goud aan en as de show begunt daolt d’er een, bienao, magische spanning over het publiek. Het wordt een mooi optreden en ik word verrast deur een biezundere uutvoering van Springsteen’s 'I’m on fire'. As ze dan as toegift ook nog es 'The Heart of Saturdaynight' van Tom Waits speult ( wat ze in dizze tour nog niet eerder hef daon) is de aovend rond. Nao aflop, as we nog eem naopraoten, krieg ik een dikke knuffel: 'I love to back, Willem. It was a great evening. Thank you, for having me'. Ik kiek heur aan. Van de nerveuze, onzekere artieste is niks terug te vinden. Ik glimlavh en druk een kus in de weelderige krullen.